Кент көгілдір отынмен қамтылмақ

Қазақстаннан бөлек, сырт елдерге тұз өнімін экспорттайтын Жақсықылыш кентіне биыл газ құбыры тартылады деген қуанышты хабар бар. аймақ басшысы ауданға жасаған сапарында Жақсықылышқа арнайы барып, осы ақжолтай жаңалықты кент тұрғындарымен бөлісті.– Газ мәселесі жақын арада шешіледі. Биылға 160 миллион теңгедей қаралса, жалпы кентішілік газ құбырларын жүргізуге 670 миллион теңгеден астам қаржы республикалық және облыстық бюджеттен қарастырылған. Күн жылына салысымен осы уақытқа дейін жүргізіліп келген құрылыс жұмыстары дереу жалғасын табады. Бұл атқа¬ры¬лып жатқан игілікті істің бәрі ел Тәуелсіздігінің жемісі екенін өздеріңіз де білесіздер, – деді аймақ басшысы тұрғындармен кездесуде.
Облыс әкімімен жүздескен жұртшылық жақсы жаңалықты естіп, көңілдері бір марқайып қалды. Енді Алла сәтін салса осы 2020 жылы тұзға бай өлкенің тұрғындары тұрмыстағы отын жарып, күл шығару сынды бейнетті жұмыстан біржола арылмақ. Орнына әрбір үйге жаз әкелетін газ қосылмақ.
«Толқын» ақпарат.