Толқын Арал аудандық қоғамдық-саяси газет
» » Қазақстанда сандық офицер лауазымы пайда болады

Қазақстанда сандық офицер лауазымы пайда болады

Ehonews.kz «Цифрлық Қазақстан» мемлекеттік бағдарламасын жүзеге асыру жөніндегі кеңесті өткізу барысында Президент Қасым-Жомарт Тоқаев Мемлекет аумағында сандық офицер лауазымын белгілеуді тапсырды. Ол цифрландыру саласына жауапты вице-министрлер өз жұмысында мемлекеттік аппарат жұмысына серпін беріп, экономикалық реформаларды қоса алғанда, түрлі салаларда цифрлық реформаларды жүргізуді жеке бақылауға алуы тиіс екенін ерекше атап өтті.
«Олардың міндеті – бұл ағымдағы жұмысты орындау емес, реформалар мен қайта құруларды жүзеге асыру. Сондықтан мемлекеттік органдарда сандық офицер қызметін құру қажет. Жергілікті атқарушы органдарда цифрландыруды тікелей әкім орынбасарларының біріне бекіту қажет, ол цифрлық даму министрлігімен тығыз байланыста жұмыс істеуі тиіс», – деді президент.
Қасым-Жомарт Тоқаев цифрландыру үдерісі бірінші кезектегі мемлекеттік міндеттердің бірі болып табылатынын мәлімдеді. Сондай-ақ, ол цифрландыру мемлекеттің экономикалық дамуына айтарлықтай әсер ететінін атап өтті.
06 наурыз 2020 ж. 85 0