Самайын ақ басқан, ғасырдан әрі асқан

Жер бетіндегі адамзат баласына әлемнің жарығын сыйлаған аналар мерекесінің шуақты көктеммен бірге басталуының мағынасы тереңде жатыр.Өйткені, Ана – өмірдің өзегі, тіршіліктің күре тамыры, ыстық ықылас пен ыждаһаттың, пәктік пен парасаттылықтың қайнары. Бір қолымен бесікті, екінші қолымен әлемді тербеген аналар қауымы ел ертеңіне нәр, тіршілікке әр беретін айрықша күшке ие.
Солардың арасында, әулеттің отын маздатқан шамшырағы, кеудесі қазынаға толы, ғасыр жасаған Таңымбетова Жонай әжеміз бен Еңсепова Тәжігүл әжеміз бүгінде ауыл-аймақ үшін өнегелі өмірдің үлгісіне айналды.
Бүгінде 110 жасқа келген ғасыр иесі Жонай әже бейнетпен өткен ғұмырының зейнетіне бөленіп, ұрпақтарының алдында бақытты өмір кешіп жатқан жан. Туған жерінде еңбек етіп, ауылдың өркендеуіне өз үлесін қосқан аяулы ана, ардақты әже атанған Жонай Таңымбетова бүгінде сегіз баласынан өрген 57 немереден 40 шөбере, 7 шөпшек сүйіп отыр.

Арал ауданы әкімінің баспасөз қызметі.