"Адал көмек" науқаны өз жұмысын жалғастыруда
ҚР Сыбайлас жемқорлыққа қарсы іс-қимыл Агенттігінің бастамасымен "Ақмешіт - адалдық алаңы" жобалық кеңсесінде аудан тұрғындарына "Адал көмек" науқаны аясында тегін заңдық кеңес көрсетілді.Игілікті шараның негізгі мақсаты – азаматтарға құқықтық көмек көрсету арқылы алаңдатқан мәселелерінің шешу жолдарын қарастыру және заң аясында бағыт-бағдар беру."Адал көмек" науқанында мамандар кеңесіне жүгінген жұртшылықтың басым көпшілігі жер, тұрғын-үй қатынастары сынды мәселелермен келіп, мамандардан толымды заңдық кеңес алды.
Құқықтық сауаттылықты арттыруға бағытталған түсіндіру жұмыстарының нәтижесінде тұрғындар түйткілді сұрағына жауап алып, толық мәліметке қанықты.
Айта кетсек, ақысыз жүргізілген "Адал көмек" беру науқаны алдағы уақытта әр аптаның сенбі күні, Арал ауданы әкімдігі ғимаратының 1 қабатында сағат 10:00-13:00 аралығында тұрақты жүргізілетін болады.
