Бұл індетті де жеңеміз
Бүгінде біз басымыздан сын сағатын өткерудеміз. Қытай елінен бастау алған аты шулы ауру бүкіл әлемді шарлады. Бұл ретте біздің елімізді де аталған індет айналып өтпеді. Өкініштісі сол күнен күнге аурудың қармағына ілікен қазақстандықтардың қатары артып келеді. Бүгін облыс әкімі Гүлшара Әбдіқалықова осы жағдайға байланысты жергілікті телерана арқылы халыққа үндеу жариялады.Қызылорда облысында да коронавирусқа шалдыққан алғашқы науқастар тіркелді. Бұл қауіпті дерттің бізге тым жақын екендігін байқатады. Сондықтан бойымыздағы негативты ойдан аулақ болып, жеке бас гигенасын қатаң сақтағанымыз абзал. Ауламыз бен үй ішін күнделікті жуып, шайып құнарлы тағамдар жегеніміз дұрыс. Ең бастысы үйден тысқары шықпай, басы артық адамдарды шақырмай қоя тұрған жөн деп білемін.Бұл жүрдім-бардым қарайтын жағдай емес. Бүкіл әлемді үрейлендіріп отырған верустың әлі күнге нақты емінің табылмай отырғандығын ескерсек, сақтық шараларын күшейтуіміз керек. Өзімізді ойламасақ та жанымызға жақын жандардың, ұрпағымыздың, ұлтымыздың амандығы үшін үйде болайық. Аз уақыт шыдамдылық таныстақ үлкен аппаттың алдын аламыз. Бұл тәжірибеге әлем елдері де сүйеніп отыр.
Гүлнұр Құрманова,
№83 мектептің мұғалімі.
