Kyzylorda-news.kz. Жыл басынан бері Қазақстанда 2,6 млн шаршы метр тұрғын үй пайдалануға берілді. Бұл туралы бүгін Үкімет отырысында ҚР Ұлттық экономика министрі Руслан Дәленов айтты.

«Жалпы, негізгі капиталға салынған инвестициялардың өсуі 5,1 пайызды құрады. Оның ішінде жеке инвестициялар 5,4 пайызға артты. Инвестициялардың ұлғаюы өңірлердің көбінде байқалады. 4 өңір бойынша төмендеу тіркелді. Олар: Атырау, Алматы, Қызылорда облыстары және Шымкент қаласы. Құрылыс секторында 11,7 пайыз деңгейінде серпінді өсу байқалады. Соның ішінде 16 өңір өсім көрсетті. Қарағанды облысы 50,8 пайыздық өсім көрсетті. Құрылыс бойынша Қызылорда облысы ғана төмендеді», – деді ол.

«Ауыл шаруашылығында өнім 2,5 пайызға артты. Ауыл шаруашылығы бойынша 15 өңірде серпін байқалып отыр», – деді Руслан Дәленов.