Толқын Арал аудандық қоғамдық-саяси газет
» » Аудан ауамағында жол жөндеу жұмыстары басталды

Аудан ауамағында жол жөндеу жұмыстары басталды

Жол – экономиканың күретамыры. Содан болса керек, жол жағдайы – қашанда маңыздылығын жоғалтпай келе жатқан мәселенің бірі.Бүгінгі күннің талабына сәйкес мұндай олқылықты болдырмау мақсатында аудан аумағындағы жолдарды жөндеу жұмыстары жүйелі қолға алынып келеді.
Бүгін аудан басшысы М.Оразбаев облыстық маңызы бар “Самара – Шымкент – Қамыстыбас – Аманөткел – Бөген” бағытындағы 9,1 шақырым (32,9-42 шқ) автокөлік жолын жөндеу жұмыстарының барысымен танысып қайтты. Жұмыс сапары барысында аудан әкімі жол жөндеу жұмыстарын қолға алған мердігер компанияның өкілімен жүздесіп, жолдың бекітілген стандартқа сай сапалы болуын қадағалауды қатаң ескертті.
Атап өту керек, Қызылорда облысының жолаушылар көлігі және автомобиль жолдары басқармасы арқылы 2019 жылы жобалық-сметалық құжаттамасы әзірленген аталмыш бағыттағы жолға биылғы жылы республикалық бюджеттен қаржы қаралған. Бөлінген қаржыға сәйкес Қызылорда облысының мемлекеттік сатып алу басқармасы арқылы тиісті хабарлама жарияланып, бүгінде қорытынды хаттама негізінде «Қазалы жолшы» ЖШС-гі жеңімпаз атанды.
Арал ауданы әкімінің баспасөз қызметі.
10 мамыр 2020 ж. 87 0