Береке бірлікте – денсаулық күтімде

Күні кеше ғана 8 шілде күні Қазақстан Республикасының Президенті Қасым-Жомарт Тоқаев елімізде коронавирус ауруының өршуіне байланысты Үндеу жариялады. Сол үндеуде айтылған коронавирус ауруынан сақтану шараларын орындадық па?16 наурызда ҚР Президенті Қасым-Жомарт Тоқаев елімізде төтенше жағдай енгізді. Онда әр адам өзін сақтандыру үшін адам көп жиналатын орындарға бармау, той, отбасылық әртүрлі шараларды кейінге қалдыру керегін, өзінің және жақындарының денсаулығына аса мән беру тиіс екендігі айтылды.
Және уақытша жұмыссыз қалған азаматтарға мемлекет тарапынан төлем тағайындап, барынша сабырға шақырды. Барша қазақстандықтың қауіпсіздігін ойлаған Мемлекет басшысына біздің ризашылығымыз мол. Бірақ карантин талаптарын қатаң сақтамағандықтан індеттің көптеп таралуы орын алды.
Кім кінәлі? Әрине, кінә өзімізде. Індетті жеңудің бірден бір жолы тәртіпке бағыну. Сондықтан барынша үйден шықпайық. Алладан жақсы тілек тілеп, өзіміздің, балаларымыздың, жақындарымыздың денсаулығын сақтайық. Мен ардагер дәрігер есебінде аурудан сақтану үшін ауырмайтын жол іздейік дегім келеді. Ауру батпандап кіріп, мысқылдап шығады деген. Бәріміз бір болып, бір жағадан бас, бір жеңнен қол шығарып қана аурудың бетін қайтара аламыз.

Сердалы Шалбаев,

Жаңақұрылыс ауылдық ардагерлер

Кеңесінің төрағасы, КСРО денсаулық сақтау

саласының үздігі