Аудан әкімі қатты тұрмыстық қалдықтар полигоны құрылысымен танысты

Жуырда аудан әкімі Мұхтар Оразбаев қала сыртында салынып жатқан қатты тұрмыстық қалдықтар полигонына барып, құрылыс жұмыстарымен танысып шықты. Мердігер мекеме өкілімен кездескен аудан басшысы құрылыс нысанының барлық талаптарға сай, сапалы жүргізіліп, уақытылы тапсырылуы қажет екендігін тапсырды.

Қатты тұрмыстық қалдықтар полигоны Арал қаласының Солтүстік-Батыс жақ бөлігінде қаладан 4 шақырым жерде салынуда. Жер көлемі – 5,0 га.

Бүгінгі күнге дейін жер қазу, тегістеу, нығыздау және автокөлік жүретін жолды биіктету мақсатында топырақ төсеу жұмыстары аяқталған. Қазіргі уақытта құрылыс-монтаждау, бетон құюға дайындық жұмыстары жүргізілуде. Жақын күндері полигон аумағы жарықтандырылып, сырты қоршалатын болады.

Құрылыс жұмыстарына дәнекерлеуші, бетон құюшы және жұмысшылардан құралған 2 бригада жұмылдырылуда.

Арал ауданы әкімдігінің баспасөз қызметі.