ЖОЛДАУ ҰСТАЗДАР ҚАУЫМЫНА ЗОР ЖАУАПКЕРШІЛІК ЖҮКТЕЙДІ

Кеше мемлекет басшысы Қасым-Жомарт Тоқаев Қазақстан халқына жыл сайынғы дәстүрлі жолдауын жариялады. Қасым-Жомарт Кемелұлы өз жолдауында ел экономикасы негізделуі тиіс жеті қағиданы айтып өтті.

Осы орайда, әсіресе үздіксіз білім беруге ерекше мән берілді. Президент білім алудың қалыптасқан дәстүрлі тәсіліне қайта көшудің тәртібін әзірлеуге тапсырма берді.
"Балалардың бәріне бірдей мүмкіндік жасау үшін жүйелі шаралар қабылдау қажет", - деді Қасым-Жомарт Тоқаев өз жолдауында. Балалар қай жерде тұрса да, қандай тілде оқыса да сапалы білім алуы керектігін атап көрсетті.
Бұл жолдауда ұстаздарға үлкен жауапкершілік жүктеліп тұр. Пандемия кезінде оқушылардың бойына өмірдің барлық салаларында табысты болу үшін, білімді игерту үшін мұғалімдер еңбектену керек деп білемін. Заман талабына сай өз мамандығын шексіз сүйетін, бала үшін ұстаз ғұмырын құдіретті деп санайтын мұғалімдер ғана жұмыс істей алатыны белгілі.
Олай болса, жолдауда көрсетілген міндеттерді орындауға бір кісідей жұмылу керек.
Қазақ тілі мен әдебиеті пәні мұғалімі
Ниязова Маржан Жаппарқызы