Толқын Арал аудандық қоғамдық-саяси газет
» » ЖАРҚЫН БОЛАШАҚҚА ЖЕТЕЛЕР ЖОЛДАУ

ЖАРҚЫН БОЛАШАҚҚА ЖЕТЕЛЕР ЖОЛДАУ

   Тәуелсіз Қазақстан Республикасының жаңа президенті Қасым-Жомарт Тоқаев бүгін Қазақстан халқына алғаш рет жолдау жариялады. Сайлауалды бағдарламасын жүзеге асыру және әрі қарай қарқынды түрде халыққа берген уәделерін орындайтынын басты назарға алатынын сөз басында айтып өтті.  Тәуелсіз Қазақстанда көптеген ұлт-ұлыстар өмір сүруде, әлемге бірлігі жарасқан Қазақстан деген абыройды одан әрі бекем ету мақсатында Президент халыққа жолдауында этносаралық татулық пен дінаралық түсіністікті қалыптастыру керек екенін және ел бірлігі – оның әр алуандығында екенін атап өтті. Жолдауда қоғамдық дамудың тұжырымдамасын әзірлеуді тапсырып, әлеуметтік жағдайларды түзеуді одан әрі жалғастыруды айтты.
   Ел болашағына серпін берген жаңа жолдауды қазақстандықтар толық қолдайды деп сеніммен айта аламыз.
   Тәуелсіз Қазақстанның әлемнің жетекші елдерінің қатарына еніп, жаһандық көштен қалмауы үшін қабылданған әрбір жолдауға сеніммен үн қосамыз. Президент Қасым-Жомарт Кемелұлының жолдауы Қазақстан тарихының алтын парақтарына тарихи түрде дұрыс шешім ретінде бедерленері сөзсіз.
Серікбол Бекмұратов,
№220 ора мектебінің тарих пәні мұғалімі.
03 қыркүйек 2019 ж. 99 0