ҰБТ тапсырушылармен кездесті

Кеше аудан әкімі М. Оразбаев №2 облыстық арнайы санаториялық мектеп-интернатына келіп, ҰБТ тапсырушы түлектермен кездесті. Тынығу орындарының жайлылығын қарап, мектеп бітірушілерге жасалған жағдаймен танысты.Сонымен қатар, кездесуге қалалық аргерлер ұйымының төрағасы Ә.Садықбаев пен мәслихат хатшысы Д.Мадинов та арнайы келді.
Кездесуде аудан басшысы:
– Құрметті, түлектер, бүгін міне, өздеріңе арнайылап келіп, ертеңгі күнгі үлкен сынақтан сүрінбей өтулеріңе тілектестік білдіріп отырмыз. Ел дамуы жолында сіздердің – жастардың алар орыны ерекше. Білімді жастары, білікті мамандары бар ел қашан да өркениет өресінен көрінетіні анық. Қай салада болмасын өздерің таңдаған мамандықтың майталманы болуларыңа, ҰБТ-дан сүрінбей өтіп, ойлаған мақсаттарыңызға жетулеріңе, ата-анадарыңыздың, 11 жыл бойы сіздерді біліммен сусындатқан ұстаздарыңыздың үмітін ақтайтын кез туды. Сол белесті бағындырады деп сенеміз, – деді.
Одан соң Ә.Садықбаев пен Д.Мәдинов түлектерге тілектерін білдіріп, ақ батасын берді.
Оңталап ЖОЛДАСОВ.