«30 игі іс» акциясы жалғасуда

Қайырымдылықтың ең абзалы – мұқтаж жандардың қажетін өтеу. Қазақ халқы қайырымдылықты қастерлі ұғым санап, әрдайым өзара жақсылыққа, адалдыққа үндеген бабаларымыз ізгі істі үлкенді-кішілі бөлмей, қоғамда өзара қайырымдылық пен ынтымақ ортасының орнауына ерекше назар аударған. Сондай-ақ, қайырымдылық жасаған адам ешқашан кедейленіп қалмайды «қолы ашықтың – жолы ашық», – деп атам қазақ бекер айтпаса керек. Осыған байланысты аралдық жастар да үлкенге құрмет көрсетуде бірлесе жұмыс жасап келеді.

Айтар болсақ, «Nur Otan» партиясының «30 игі іс» республикалық акциясына аралдық «Jas Otan» ЖҚ бөлімшесі өз үлесін қосты. "Жас отандықтар" акция аясында қаламыздың тұрғыны Натипа әжеміздің үйіне барып қолғбасы жасай отырып үй ауласын тазарту жұмыстарын жүргізді. Бір топ жастардық қайырымды да қайырлы істеріне риза болған Натипа әжеміз жастарға өзінің алғысын ақ тілегімен жеткізді. Аталмыш акция алдағы уақытта өз жалғасын табатын болады.