Жаңа ойын алаңы ашылды

Ауыл орталығынан балаларға арнап жаңа ойын алаңы салынып, пайдалануға берілді. Заманауи үлгіде сапалы материалдардан жасалған «әткеншек», «айналмақ», «сырғанақ» кезек-кезек мініп, мәз-мәйрам болған балалардың қуанышында шек жоқ.

Айта кетейік, балаларға қуаныш сыйлаған бұл ерекше ойын алаңы аудан әкімінің қолдауымен Аманөткел ауылдық округіне 100 жыл толуына арналған сыйлығы.

– Еліміздің келешегі – бүгінгі ойын балалары. Сондықтан да біз көп жағдайда олардың талап-тілегімен санасып, сұранысын қанағаттандыруға тиіспіз. Балалар ойнайтын, тіпті ересек адамдардың өзі демалатын алаңдарды көптеп салуымыз керек. Ойын алаңына орналастырылған жаңа жабдықтардың барлығы жоғары сапалы және біздің тарапымыздан балалардың жан-жақты қауіпсіздігі де ескерілді, – дейді аудан басшысы.

Ата-ана үшін баласының қуанышты жүзін көруден, олардың шаттанған әрбір сәтіне куә болудан асқан қандай бақыт бар?!

Қолдау білдірген аудан әкімдігі тарапына ата- аналардың алғысы шексіз.