Толқын Tolqyn.kz ақпараттық агенттігі
» » Қызмет көрсету оңтайландырылған

Қызмет көрсету оңтайландырылған

ҚР Президентінің 03.11.2010 жылғы № 1093 Жарлығымен бекітілген ҚР Жоғарғы Сотының Жанындағы Соттардың қызметін қамтамасыз ету департаменті (ҚР Жоғарғы Сотының аппараты) туралы Ережеге сәйкес, ол сот органдарынан шығатын ресми құжаттарға ҚР-ның заңнамасына сәйкес апостиль қою функцияларын жүзеге асырады.Азаматтар үшін әкімшілік кедергілерді жеңілдету мақсатында Жоғарғы Сот сот органдарынан шығатын ресми құжаттарға апостиль қою бойынша мемлекеттік қызмет көрсетуді одан әрі оңтайландыру жұмысын жүзеге асырады.
Үкіметтің 18.09.2013 жылғы «Мемлекеттік көрсетілетін қызметтер тізілімін бекіту туралы» Қаулысына өзгерістер енгізіліп, сот органдарынан шығатын ресми құжаттарға апостиль қою функцияларын жүзеге асыруға өтініштер қабылдауды, мемлекеттік қызмет көрсету нәтижелерін беруді жүзеге асыруға Соттардың қызметін қамтамасыз ету департаментінің аумақтық органдарына уәкілеттік берілді.
ҚР Жоғарғы Сотының жанындағы Соттардың қызметін қамтамасыз ету департаменті басшысының 30.04.2015 жылғы № 239 бұйрығымен бекітілген «Сот органдарынан шығатын ресми құжаттарға апостиль қою» мемлекеттік көрсетілетін қызмет стандартындағы қызмет көрсету мерзімдеріне өзгерістер енгізіліп, құжаттар пакетін тапсырған сәттен бастап көрсетілген қызметті берушіге – 1жұмыс күні; облыстар, Алматы, Астанада орналасқан Мемлекеттік корпорация филиалдарының бөлімдеріне- 1 жұмыс күні, басқа Мемлекеттік корпорация филиалдарының бөлімдеріне – 5 жұмыс күн болып өзгертілген.
Апостиль қою рәсімінің мақсаты Гаага конвенциясына мүше елдердің аумағында қолдануға арналған апостиленетін құжаттардың түпнұсқалығы мен дұрыс рәсімделуіне кепілдікті қамтамасыз ету. Оңтайландыру процесі көрсетілетін қызметті алушылардың мүдделерін қамтамасыз етуге бағытталған және апостиль қойылған құжаттарды барынша қысқа мерзімде алуға мүмкіндік береді.
Т.Тлеубаева, Арал аудандық сотының
кеңсе меңгерушісінің міндетін атқарушы,
Заңгерлер одағының мүшесі.
07 тамыз 2018 ж. 946 0