ТІЛ-ТАТУЛЫҚ ТІРЕГІ
Ана тілі – әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры.Осы орайда, Аудандық мәдениет және тілдерді дамыту бөлімінің және мәдениет орталығының ұйымдастыруымен Қазақстан Республикасы халықтарының тілдері күні мерекесіне орай «Тіл – татулық тірегі» атты салтанатты шара өткізілді.Аудандық мәдениет және тілдерді дамыту бөлімінің басшысы Тәңірберген Сейітжанұлы құттықтау сөз сөйлеп, шараны ашып берді.
Сондай-ақ, бірқатар қызметкерлерге аудан әкімінің және Аудандық мәдениет және тілдерді дамыту бөлімінің Алғыс хаттарын табыстады.
Жиын барысында Халықаралық «Қазақ тілі» қоғамының Арал аудандық филиалының төрағасы Жұмабай Жақып жиналған қауымды тілдер мерекесімен құттықтап, түрлі сала мамандарына облыстық және аудандық марапаттарды табыс етті.
Мерекелік шара аудан өнерпаздарының концертімен жалғасты.
