Аудан әкімі спортшыларды құттықтады

Шымкент қаласында өтіп жатқан грек-рим күресінен жасөспірімдер арасындағы ҚР чемпионатында екі бірдей аралдық жас спортшы чемпион атанды. Жас палуандарымыздың еліміздің әр аймағынан барған кіл мықтылардың ішінен топ жарып, жеңіс тұғырынан көрінуі аудан мерейін өсірді. Мұндай жетістікке жету тынымсыз дайындық пен төккен тердің нәтижелі жемісі деп білемін.

Жастарды спортқа баулып, байрақты бәсекелерде бақ сынасып, боз кілемде шыңдала түсуіне атсалысқан жаттықтырушылары мен ұстаздарына шынайы алғысымды білдіремін. Жас чемпиондардың оқуда озат болып, спорттағы жетістіктері көбейе беруіне тілектеспін.

Еліміздің абыройын асқақтатар спортшыларымыз көп болсын!

Ізгі ниетпен,

аудан әкімі С. СЕРМАҒАМБЕТОВ