Аралдық жас спортшылар жеңіс тұғырында
Шымкент қаласында өтіп жатқан грек-рим күресінен жасөспірімдер арасындағы ҚР чемпионатында Арал аудандық олимпиадалық резервтің мамандандырылған балалар-жасөспірімдер мектебінің спортшысы Болатұлы Алпамыс аудан қоржынына екінші алтын медальды салды.Жарыстың екінші күні боз кілемге шыққан жас палуан өз салмағы бойынша қарсыластарынан басым түсіп, аудан абыройын асқақтатты.
Жас жеңімпаз аудандағы 62 мектептің 9 «В» сыныбында оқиды. Сынып жетекшісі Ахметова Гүлшат.
Жаттықтырушылары - Талғат Қожекенов, Бахтияр Төлебаев және Ардақ Таңатаров.
Спортты серік еткен жас спортшыларымызға алдағы уақытта жоғары жетістіктерге жетуіне тілектестік білдіреміз.
"Толқын" ақпарат
