«Көктем – 2022» Дайындық пысықталды

Апат айтып келмейді. Сондайда дайындық сөз жүзінде емес, іс жүзінде керек. Осындай кезеңдерде орын алып жататын төтенше жағдайлармен күресте бейқамдыққа бой алдырып, дайындығымыз өз деңгейінде болмай шықса ше?! Міне, осы мақсатта өткен аптада «Көктем – 2022» республикалық командалық штабтық оқу-жаттығуы өткізілді. Оқу-жаттығу барысында аудандағы барлық азаматтық қорғау қызметтерінің көктемгі қарекетке әзірлігі пысықталды.

Аудан әкімінің орынбасары Қ.Әбсұлтанов көктемгі кезеңдегі төтенше жағдайлардың қатері және туындаған кездегі міндеттерді орындауға және халықтың әзірлігі мен қабілет деңгейін арттыру мақсатында азаматтық қорғау қызметтеріне саптық қарау жұмыстарын жүргізді.

Төтенше жағдайлардың алдын алу және оларды жою кезінде жергілікті атқарушы органдарға бағынысты Азаматтық қорғау күштері мен құралдарын басқару бойынша іс-қимылдар үйлесімділігін жетілдіру қажеттігін айтып, әрбір құрылым өздеріне тиісті жұмыстарды шұғыл үйлестіруге дайын болу қажеттігін айтты.

(Өз тілшімізден)