Толқын Tolqyn.kz ақпараттық агенттігі
» » ҰЖЫМДАСТАР СПОРТТА БАҚ СЫНАСТЫ

ҰЖЫМДАСТАР СПОРТТА БАҚ СЫНАСТЫ

«Азаматтарға арналған үкімет» мемлекеттік корпорациясының» Арал аудандық бөлімдері қызметкерлерінің арасында спартакиада өткізді.Спорттық шара түрлі филиалдың Халыққа қызмет көрсету бойынша орталығы , Әлеуметтік төлемдерді ведмоствоаралық есептеу орталығы және «Жер кадастры және жылжымайтын мүлік салаларында  еңбек етіп жүрген ұжымдастардың әріптестік қарым-қатынасын нығайтуға, салауатты өмір салты мен жаппай бұқаралық спортты насихаттауға бағытталды. Спорттық шараның ашылу салтанатына Арал ауданының әкімінің орынбасары Өтешов Рүстем  Баймырзаұлы және «Нұр-отан партиясы аудандық филиалы төрағасының бірінші орынбасары Қанатов Талғат Мырзағұлұлы қатысып, жарысқа қатысушы командаларға сәттілік тіледі.
Жарысқа тыңғылықты дайындықпен келген әр команда жеңісті қолдан бермеуге тырысты. Жасыл алаңда барын салған әуесқой командалар спорттың 5 түрінен бақ сынады.
Сайыс барысында командалар тартысты ойын көрсетіп, нәтижесінде «Арлан»  командасы топ жарып I – орынды иеленді. II – орын «Барыс» командасына бұйырды, ал III – орынды «Сұңқар» командасы қанағат тұтты.
Үздік деп танылған командалар «Азаматтарға арналған үкімет» мемлекеттік корпорациясының Қызылорда облысы бойынша филиал директоры А.Қайруллаевтың,  Арал ауданының әкімінің орынбасары Р.Өтешовтің және  «Нұр-отан» партиясы аудандық филиалының мақтау грамоталарымен марапатталды, сонымен қатар ақшалай сыйақы табысталды.
 
 
«Азаматтарға арналған үкімет» 
мемлекеттік корпорациясы» коммерциялық емес акционерлік қоғамының
Қызылорда облысы бойынша филиалының  баспасөз  қызметі
12 қазан 2018 ж. 1 444 0