Жаңа Қазақстанды бірге өркендетуге атсалысайық
Ардақты ағайын!Баршаңызға белгілі, үстіміздегі жылдың 5 маусым күні Ата заңға өзгерістер мен толықтырулар енгізу үшін республикалық референдум өтеді.
Бүкілхалықтық референдум өткізу туралы Мемлекет басшысы Қасым-Жомарт Тоқаев ұсыныс жасаған болатын.
Алдағы конституциялық референдум тек бір қала немесе облыс тағдырына байланысты емес, ол тұтас мемлекеттің болашағына әсер ететін, бұдан да жарқын келешектің іргетасын қалайтын аса маңызды күн деп ойлаймын.
Өйткені қоғам арасында күрмеуі шешілмей жатқан күрделі мәселелер көбейіп кетті. Сол себепті Президент сөзден гөрі іске баса назар аударып, «Халық үніне құлақ асатын мемлекет» тұжырымдамасын алға қоя отырып, осындай маңызды шешім қабылдап отырғаны анық.
Бұл осы елдің азаматы ретінде мені де қатты қуантты. Бүгінгі таңда, еліміз үлкен өзгерістер алдында тұр. Сондықтан 5 маусым күні әр қазақстандық өзінің жеке азаматтық борышын орындауға тиіс. Себебі еліміздің болашағының дамуы тікелей осы референдумға байланысты болып отыр.
Сол себепті, баршаңызды еліміздің жарқын болашағы үшін референдумға қатысуға шақырамын!
Ә. АҢСАТБАЕВ,
Қосаман ауылының тұрғыны, ардагер
