Салық түсімдерінің орындалу барысы талқыланды

Аудан әкімі С. Сермағамбетовтің төрағалығымен аудандағы салық түсімдерінің орындалу барысы жөнінде мәжіліс өткізілді. Жиынға мекеме басшылары, қала әкімі және кент, ауылдық округ әкімдері онлайн режимінде қатыcты.

Алдымен күн тәртібіндегі мәселе бойынша аудандық кірістер басқармасының басшысы Е. Мәлкаждарұлы негізгі хабарлама жасады.

Баяндамашыдан соң, аудан басшысы жер, мүлік, жеке және заңды тұлғалардың көлік салығы сынды түсімдері аз орындалған ауылдық округтер әкімдерінен бекітілген жоспардың орындалмау себебін сұрады. Одан соң аудандық кірістер басқармасының басшысына қала, кент және ауылдық округ әкімдерімен тығыз жұмыс жасап, алдағы уақытта кемшіліктерге жол бермеу қажеттігін ескертті.

Сонымен бірге бірінші жартыжылдықтың қорытындысымен бұл мәселе қайта талқылатынын айтып, жұмысты жандандыруды тапсырды.

Ауылдық округ әкімдеріне елді мекендердегі тіркелмей кәсіп жасап отырған жеке тұлғаларды анықтап салықтандыру жұмыстарын жүргізуді, салық базасын нығайтуды және қосымша кіріс көздерін іздестіріп, аудан көлемінде іске асырылуға тиісті ірі инвестициялық жобалар жөніндегі алынған мәліметтерге сәйкес түсім көздеріне талдау жүргізуді тапсырды. Аталған тапсырмалардың орындалуын қадағалау аудан әкімінің тиісті сала орынбасарына жүктелді.