«Мектепке жол» акциясы басталғаннан уақыттан бері қаржылай көмекті алу үшін облыс бойынша 30 мыңнан астам өтініш түскен. Міндетті оқу қорынан берілетін бір реттік көмек 20-25 тамыз аралығында ата-аналар немесе заңды өкілдердің жеке есеп шоттарына аударылып болады. Бұл туралы бүгінгі баспасөз мәслихатында облыстық білім басқармасы басшысының орынбасары Бағдат Бердаулетов мәлімдеді.

«Биылғы жылы Міндетті оқу қоры есебінен көмекке мұқтаж отбасы ретінде 31 322 бала есепке алынған. Аталмыш қор есебінен бір реттік қаржылай көмекпен қамтамасыз ету үшін облыстық бюджеттен 1 млрд. 171,4 млн. теңге бөлініп отыр. Аз қамтылған отбасынан шыққан барлық 31 322 балаға 37 389 теңге көлемінде қаржылай көмек көрсетілетін болады», – деді Бағдат Камбозұлы.