Аралда жаңа балабақша ел игілігіне берілді

Бүгін облыс әкімі Нұрлыбек Нәлібаев Аралға сапары барысында Жақсықылыш кентіндегі «Асылым» жеке балабақшасының ашылу рәсіміне қатысты. Жаңадан бой көтерген нысан 140 бүлдіршінге лайықталған. Облыс әкімі ауыл тұрғындарын жаңа нысанның ашылуымен құттықтап, білім саласына инвестиция құйған кәсіпкерге алғыс білдірді.

Бүгінде Арал өңірі 3 пен 6 жас аралығындағы бүлдіршіндердің балабақшамен 100 пайыз қамтыған ауданның бірі.

2025 жылға қарай ауданда 16 жеке балабақша және 4 мектеп жанынан шағын орталық ашылмақ.

Қызылорда облысы әкімінің баспасөз қызметі