ВОЛЕЙБОЛДАН АРДАГЕРЛЕР АРАСЫНДА ОБЛЫСТЫҚ ТУРНИР БАСТАУ АЛДЫ
Бүгін Орталық стадионда Арал ауданы әкімдігінің және «Нұр Отан» партиясы аудандық филиалының ұйымдастыруымен Тәуелсіздік күні мерекесіне орай, волейболдан ардагерлер арасында облыстық турнир бастау алды.Турнирдің ашылу салтанатына аудан әкімі Мұхтар Оразбаев қатысып, спортсүйер қауымды Тәуелсіздік күні мерекесімен құттықтады. Сондай-ақ, аталмыш турнирдің маңыздылығына тоқталып, жарысқа қатысушы командаларға сәттілік тіледі.
Сонымен қатар, Қызылорда облысының волейбол федерациясының вице-президенті Бақытбек Кеңесов сөз алып, Сыр еліндегі спорт жетістіктерін айтып өтті.
Облыстық турнирде Жаңақорған, Жалағаш, Қазалы, Арал аудандарының және Байқоңыр қаласының құрама командалары бақ сынауда.
