Құрылыс нысандарын аралады

Аудан әкімінің орынбасары Қ. Әбсұлтанов және аудандық мәслихат төрағасы Б. Төрахметов бірқатар құрылыс нысандарын аралап, жұмыс барысымен танысты. Алдымен моноқалаларды дамыту бағдарламасы бойынша көшелерді жарықтандыру және жол жөндеу бойынша атқарылып жатқан жұмыстарды бақылады. Аталған бағдарлама аясында Арал қаласындағы 7 көшеге асфальт жабындысы төселіп, жарықтандырылатын болады. Қазіргі таңда Ә.Сатаев көшесіне қиыршық тас жайылып, Төле би көшесі асфальтталуда.

Одан соң аудан әкімінің орынбасары мамыр айында басталған темір жол үстінен өтетін аспалы көпір құрылысының басында болды. Мұнда көпір астына салынатын тіреуіш жар орнатуға әзірлік жүргізулуде. Мердігер мекеме өкілдерімен жүздесіп, жұмыс қарқынын әлде де күшейтуқажет екендігін айтты.

Мұнан кейін құрылысы өткен жылы бастау алған «Балықшылар аллеясына» барып, құрылыс жұмыстарымен таныс болды. Атап өтейік, балықшылар аллесына насос стансасы, маяк, шахмат ойын алаңы мен жаяу жүргіншілер жолы, түнгі жарықшамдар орнатылуда.

Аудан әкімінің орынбасары құрылыс жұмыстарына жауапты мердігер мекеме басшыларына барлық жұмыстарды сапалы әрі уақытылы аяқтауды тапсырды.