«Жаяу жүргінші» жолда абай болыңыз!

Аудан орталығында халық саны тығыз орналасқандықтан қалада көлік нөпірі ешқашан арылған емес. Соған сай жол қозғалысы ережелерін қатаң бақылау да жауапты сала мамандарының назарынан ұдайы түспей келеді. Кешенді шаралар қабылданып, түрлі бағытта жедел-профолактикалық іс-шаралар да өткізілуде. Міне, осы бағытта Арал ауданы бойынша үстіміздегі жылдың 4 және 8 ақпаны аралығында «Жаяу жүргінші» жедел-проилактикалық іс-шарасы өткізілді. Іс-шараны өткізуге бөлімнің барлық қызметтік жеке құрамы жұмылдырылды. Аудандағы орта мектептерде, балабақшаларда, орта оқу орындарында жолда жүру ережелерін сақтау бағытында лекция, дәрістер оқытылып, түсіндірме жұмыстары да жүргізілді.
Қоғамдық тәртіпті сақтау мен жол қозғалысы қауіпсіздігін қамтамасыз ету, жол қозғалысы ережелерін өрескел бұзуды болдырмау және жол-көлік оқиғаларның алдын алу мақсатында өткен арнайы іс-шара негізінде ҚР әкімшілік құқық бұзушылық туралы кодексінің 615 бабы 1 бөлігімен жаяу жүргіншілердің жолда жүру ережелерін бұзғаны үшін 38 тұлғаға әкімшілік хаттама, ҚРӘҚБтК-нің 600 бабының 1 бөлігімен жүргізушілердің белгіленген арнайы жаяу жүргіншілер өткелінде жаяу жүргіншілерге жол бермегені үшін 5 әкімшілік хаттама толтырылған. Осындай жұмыстардың нәтижесінде «Жаяу жүргінші» жедел профилактикалық іс-шарасы алға қойған міндеттерді орындауда өзіндік тиімділігін көрсетті.
Е.Сембиев,
Арал ауданының Полиция бөлімінің
әкімшілік полиция бөлімшесінің бастығы,
 полиция аға лейтенанты.