Желідегі балаға бақылау керек
Кеше Арал ауданы бойынша білім бөлімінің басшысы Санира Жанназарова аудан орталығындағы №220 орта мектебінің әкімшілігі мен интернет ресурстарға жауапты мамандарын қабылдап, оқушылардың мектеп компютерлерінен ғаламтор жүйесін пайдалану ережелері бойынша жиын өткізді. Кездесуде Санира Нұрқожақызы мектеп компютерлерінен оқушылар ғаламтордағы теріс ағымдағы желілер мен порнография, эротикалық және сол секілді тыйым салынған сайттарға кірмеу керектігін еске салды. Бұл мәселе ата-аналарға да тікелей қатысты екенін айтып, балаларының смартфондарына бақылау жасап, күмәнді, тыйым салынған сайттарға кірмеуін қадағалау керектігін жеткізді.
(Арал аудандық білім бөлімі парақшасынан)
