Аудандық құрылыс, сәулет және қала құрылысы бөлімінің басшысы тағайындалды

Бүгін аудан басшысы Аманжол Оңғарбаевтың төрағалығымен өткен актив отырысында жаңадан тағайындалған аудандық құрылыс, сәулет және қала құрылысы бөлімінің басшысы таныстырылды. Арал ауданы әкімінің 2024 жылғы 16 ақпандағы №38 өкімімен Арал аудандық құрылыс, сәулет және қала құрылысы бөлімінің басшысы лауазымына Ұзақов Тойбазар Садуақасұлы тағайындалды.Тойбазар Садуақасұлы - 1970 жылы Арал қаласында дүниеге келген. Білімі жоғары. Қарағанды металлургия институтын «Құрылыс-инженері» мамандығы бойынша бітірген.Еңбек жолын 1993 жылы Теміртау қаласында «Имсталькон» фирмасында монтаждаушы қызметінен бастаған.
1994-1996 жылдары Арал қаласындағы «ЖМК-13» ЖШС шебері;
2001-2006 жылдары Қызылорда облысы бойынша жылжымайтын мүліктер жөніндегі орталығының Арал аудандық филиалының техникалық түгендеу және бағалау жөніндегі маманы;
2006-2008 жылдары «Болашақ» ЖШС-ның директоры;
2008-2009 жылдары «Наурыз құрылыс» ЖШС-ның құрылыс инженері;
2010-2022 жылдары Арал аудандық құрылыс бөлімінің жетекші, бас маманы, бөлім басшысы;
2022 жылдан бастап Арал ауданы әкімі аппаратының әдіскері, бас инспекторы қызметтерін атқарып келеді.

Арал ауданы әкімдігінің баспасөз қызметі