Толқын Tolqyn.kz ақпараттық агенттігі
» » Елбасы тапсырмасымен Тараздағы төтенше жағдайды тергеуге қатысты үкіметтік комиссия құрылды

Елбасы тапсырмасымен Тараздағы төтенше жағдайды тергеуге қатысты үкіметтік комиссия құрылды

27 ақпанда сағат 06:21-де Тараз қаласында 9 ықшам ауданындағы 62-үйдің 1-3-қабаттары құлаған (алдын ала мәліметтер бойынша, жарылыс 2-қабаттағы 46-пәтерде болған).
ҚР ІІМ ТЖК күшімен қажетті мамандар мен техника саны жұмылдырылды, үйдің барлық тұрғындары толық көшірілді. Үйінділер астынан 8 адам шығарылды, оның екеуі қаза тапқан. Зардап шеккендердің халі – орташа ауыр.
Тараз қаласындағы төтенше жағдай туралы ҚР Премьер-Министрі Асқар Мамин шұғыл түрде Қазақстан Президенті Нұрсұлтан Назарбаевқа баяндады.
Мемлекет басшысының тапсырмасы бойынша ҚР Премьер-Министрінің орынбасары Ж.Қасымбектің төрағалығымен үкімет комиссиясы құрылды. Комиссия мүшелері Тараз қаласына оқиға орнына ұшып кетті.
Апат болған үйдің тұрғындары осы үйге жақын маңдағы №47 мектепке орналастырылды, ыстық тамақпен қамтылды, уақытша тұруға қажетті жағдайлар жасалды. Олармен медицина қызметкерлері мен психологтар жұмыс істеуде.
ҚР ІІМ ТЖК алдын ала мәліметі бойынша, жарылыс газ жабдығын абайсыз пайдаланудан орын алған.
Жедел штаб құрылды, +7- 7262 – 513575 нөмірі бойынша жедел желі жұмыс істейді, деп хабарлайды primeminister.kz.
zhambylnews.kz
27 ақпан 2019 ж. 1 104 0