Әріптес аруларға құрмет көрсетілді

Шуақты көктемнің шырайын келтіріп, жер әлемді нұрға бөлей жететін көктем мезгілінің ең маңызды әрі салмақты мерекесі саналатын 8 наурыз – хылықаралық әйелдер күні мерекесі қарсаңында нәзікжандылар әрқашан ескерусіз қалмасы анық. Өйткені мерекенің мәні бір қолымен бесікті тербетсе, бір қолымен әлемді тербеткен аналар мерейін үстем етіп тұр. Ал ана десе елжіремейтін жүрек, толқымайтын көңіл болмаса керек-ті.

Осы мерейлі мереке қарсаңында «Толқын» газеті редакциясының да ерлер ұжымы мекемедегі нәзікжандыларды шуақты мерекесімен құттықтап, мерекелік сый-құрметін көрсетті. Қашанда қоғамның қалыпты өмірін қалт жібермай, ақпарат дайындауда және оны уақытылы оқырман назарына ұсынауда үлкен ұжымдық еңбек жатыр. Сол есіл еңбектің еншілесі саналатын нәзікжанды әріптестердің мерей тағы бір мәрте көтерілді.

Әр күнімізді мәнді әрі сәнді ететін аналар мен аяулы жандардың кіршіксіз ақ көңіліндей болған мерейлі мереке қарсаңында «Толқындықтар» Аралдың барша арулары мен ардақты жандарын мерекесімен құттықтайды. Көңілдеріңізді әрқашан кір шалмай, көктемнің шуақты күніндей жадырап-жайнап жүре беріңіздер!

Редакция