№4 мөлтек ауданын газдандыру жұмыстары басталды

Арал қаласындағы № 4 мөлтек ауданын газдандыру жұмыстарының құрылысы басталды. Жоба құны 350 млн. теңге құрайтын газ құбырын тарту жұмыстарының құрылысын «Транс Азия Констракшн» ЖШС жүргізуде. Бүгінгі таңда қажетті құрылыс материалдары толықтай жеткізілген. Аталған аумақта жалпы ұзындығы 14 шақырымды газ желілері орнатылмақ.

Газдандыру жұмыстары толық аяқталған мезетте мөлтек аудандағы 340 тұрғын үй көгілдір отынның игілігін көретін болады.

Сондай-ақ, жақын күндері аудан орталығындағы № 5 және № 6 мөлтек аудандарын көгілдір отынға қосу жұмыстары бастау алады деп жоспарлануда. Бұл жұмыстарды да «Транс Азия Констракшн» ЖШС мердігер мекемесі жүзеге асыратын болады. Газдандыру жұмыстары барысында 900 тұрғын үй көгілдір отынға қосылмақ.

"Толқын" ақпарат