Аралда сенбілік жұмыстары жүргізілді
Туған жердің тазалығы қашанда басты назарда болуы тиіс. Себебі, тазалық денсаулықтың басты кепілі. Сол үшін де біз жан-жағымызды жинастырып, санитарлық тазалыққа мән беріп, көркейту-көгалдандыру жұмыстарын үнемі жүргізуіміз қажет.Бүгін Аралда «Таза Қазақстан» республикалық экологиялық акциясы аясында сенбілік жұмыстары жүргізілді.
Тазалық жұмыстары барысында қаланың орталық көшелері мен шет аймақтар тазартылып, шөп-шалаңдар шабылды, қоқыстар жиналды.
Сондай-ақ, жаңбыр суы толған көшелерде су тарту жұмыстары да жүргізілуде.
Алдағы уақытта да сенбілік жұмыстары ұйымдастырылып, қоғам үшін тиімділігі зор жұмыс жалғасын табатын болады.
Оған тек мекеме қызметкерлері емес, тұрғындар да белсенділікпен қатысуы керек. Өйткені бұл – баршаға ортақ.
Туған жерді бәріміз бірге аялайық!
"Толқын" ақпарат
