Мейірім шуағы төгілген күн

Елімізде қазан айының екінші жексенбісі мүгедектер күні болып белгіленген. Бұл дата Біріккен Ұлттар Ұйымының ұйғарымымен 1992 жылдан бастап атап өтілуде. Мақсаты – мүгедек азаматтардың құқықтарын сақтау, әлеуметтік жағдайын жақсартуға айрықша назар аудару.

Бүгін мерейлі мереке аясында аудандық мәдениет үйінде «Бар құрмет - Сіздерге» атты салтанатты шара өтті.

Мереке фоедегі мүгедектігі бар жандардың қолынан шыққан бұйымдар көрмесі мен жәрмеңкеден бастау алды.

Салтанатты кешке аудан әкімінің орынбасары Б. Жұмағұлов қатысып, ерекше жандарға жылы лебізін арнады.

«Қай өркениет болмасын оның заманында түрлі деңгейдегі азаматтардың өмір сүргені белглі. Біз өмір сүріп жатырған зайырлы қоғамның да өзіндік ерекшелігі болғанмен адами тұрғыдан ешкімнен ешкім артық емес. Осы күнде Сіздердің орталарыңыздан табылып, бүгінгі шараға қатысудың сәті түсті. Өздеріңізбен жүздескеніме қуаныштымын! Сіздер өмірге деген құштарлықтарыңыз арқылы көптеген адамдарға үлгі болып келе жатқан қайсар әрі мықты жансыздар. Еліміздің ұлық мерекесімен тұспа-тұс келген осы маңызды күні өздеріңізге мықты денсаулық, ұзақ ғұмыр тілеймін!» - Бектемір Ұлыбекұлы.

Мұнан соң, аудандағы қоғамдық іс-шараларға белсенді араласып жүрген жандарға аудан әкімінің «Алғыс хаты» мен арнайы сый-сыяпаттар табысталды. Мерекелік кеш одан әрі аудан өнерпаздарының концерттік бағдарламасына ұласты.

Айта кетейік, бүгінде мүгедек жандарды жеке оңалту бағдарламасы бойынша мемлекет тарапынан мемлекеттік қызметтер аудандық жұмыспен қамту және әлеуметтік бағдарламалар бөлімі арқылы көрсетіліп келеді. Атап айтқанда, әлеуметтік тапсырыс шеңберінде жүріп-тұруы қиын 284 мүгедек жан жеке көмекші қызметімен, 35 тіл-құлақ кемістігі бар жандар «Ымдау тілі» маманымен, 18 жасқа дейінгі 22 мүгедектігі бар балалар күндіз болу бойынша жартылай стационарлық қызметімен қамтамасыз етілген. Сондай-ақ, жыл басынан бері 121 мүгедектігі бар адам санаториялық – курортқа ем алу үшін жолданса, «Талсуат мүгедектерді оңалту орталығына» 56 мүгедек жіберілді. Кедергісіз орта құруға әлеуметтік нысандардың мүгедектігі бар адамдар үшін аудан бойынша 21 обьекті қолжетімділік жұмыстарын аяқтады. Әлеуметтік осал топтағы 100 отбасына, оның ішінде 26 мүгедектігі бар жандар тегін баспанамен қамтылды.