Толқын Арал аудандық қоғамдық-саяси газет
» » АРДЫҢ ШЫҢЫ – АТА ЗАҢ

АРДЫҢ ШЫҢЫ – АТА ЗАҢ

   Аудандық мәдениет үйінде ҚР Конституциясы күніне арналған «Ардың шыңы-Ата заң» атты салтанатты шара өткізілді.   Жиынға аудан әкімі Мұхтар Оразбаев қатысып: -«Баршаңызды халқымыз үшін маңызы зор мереке – Конституция күнімен құттықтаймын! Осыдан 24 жыл бұрын жалпыхалықтық референдумда қабылданған Ата заңымыз Республикамыздың зайырлы, құқықтық және біртұтас мемлекет ретіндегі базалық негізін қалады. Уақыт сынынан сүрінбеген, елдігімізді айғақтайтын басты құжат бүгінде азаматтардың өзара бітімде өмір сүруіне жағдай туғызып отыр. Ынтымағы жарасқан еліміздің бағын асыратын, мерейін тасытатын үлкен істе жаңа жетістіктерге жетулеріңізге тілектеспін. Еліміз аман, жұртымыз тыныш болғай! Көк байрағымыз көгімізде желбірей берсін!»-деп ізгі лебізін білдірді.
   Сонымен қатар, мереке қарсаңында ант қабылдаған мемлекеттік қызметшілерге қызметтік куәлік табыстады.
  Тәуелсіз еліміздің айшықты мерекесінде бірқатар қызметкерлер облыс әкімінің және аудан әкімінің «Алғыс хатымен» марапатталды. Салтанатты шара аудан өнерпаздарының арнайы мерекелік концертіне ұласты.
Арал ауданы әкімдігінің баспасөз қызметі.
30 тамыз 2019 ж. 122 0