Республика күні: Мемлекеттік Ту көтеру рәсімі өтті

Бүгін аудан орталығында 25 қазан - Республика күніне арналған Мемлекеттік ту көтеру салтанатты рәсімі өтті.Елдік рух пен ұлттық ұстанымды бекемдей түсетін маңызда шарада Мемлекеттік Туымыз көкке көтеріліп, Гимн орындалды.Рәсімге аудан әкімінің орынбасары Н. Бохаев, аудан ардагерлері, жастар өкілдері мен төтенше жағдай, құқық қорғау, әскери қызметкерлер және аудан спортшылары мен білім, денсаулық салаларының мамандары қатысты.

Мерекелік шарада мемлекеттік қызметке алғаш кірген мемлекеттік қызметшілер салтанатты түрде ант қабылдады.Алты алаштың баласын алты қанат киіз үйдің басында бір шаңыраққа біріктірген ұлық мереке аудан өнерпаздарының концерттік бағдарламасына ұласты.Іс-шара «Көк тудың желбірегені» әнімен түйінделді. Көпшілік бір-бірін мерекемен құттықтады.