Толқын Tolqyn.kz ақпараттық агенттігі
» » ҚАМЫСТЫБАСТА НАУРЫЗ ТОЙЫ ТОЙЛАНДЫ

ҚАМЫСТЫБАСТА НАУРЫЗ ТОЙЫ ТОЙЛАНДЫ

Көктемнің  жылу шуағын өзімен бірге ала келетін, жуанның жіңішкеріп, жіңішкенің үзілер шағында Қамыстыбас ауылдық округінің тұрғындары Наурыз тойын тойлады. 
Мерекелік шараға аудан әкімі Мұхтар Оразбаев қатысып, ауыл тұрғындарын көктемгі мерекемен құттықтап, ізгі тілегін білдірді.
 
Шат-шадыман күйге бөленген көпшілік алаңға жиналды. Ұлыстың ұлы күнінде  дәстүр бойынша киіз үйлер тігілді. Жиналған қауым мерекелік концерт тыңдап, түрлі ұлттық ойындарында шеберлік байқасты. Ұлттық тағамдардан дәм татып, салт-дәстүрлеріміз дәріптелген қойылымдарды тамашалады.
 
Осылайша, күн мен түн теңелетін шақта тойланатын мерекені Қамыстыбас ауылдық округінің тұрғындары  барлық салт - дәстүрі, әдет-ғұрпымен, сән-салтанатымен атап өтті.
aral.gov.kz
22 наурыз 2019 ж. 1 120 0