Кейуанаға құрмет көрсетілді

Аралқұм ауылдық ауылдық округінің тұрғыны, 103 жастағы Тәжігүл әже тылда тер төгіп, одан кейінгі жылдары балық шаруашылығы саласында ерлермен бірге еңбек еткен жан. Ғасыр жасаған кейуана бүгінде 9 баладан тараған ұрпақтарының қызығына кенеліп отыр. 8 наурыз мерекесі қарсаңында аудан әкімі М.Оразбаев және аудандық мәслихаттың хатшысы Д.Мадинов Аралқұм ауылдық округінде тұратын Тәжігүл әженің шаңырағында болып, ғасыр жасаған әжені мерекемен құттықтап, сый-сияпат табыс етті. Арнайы құттықтай келген ел азаматтарына ақ батасын берген ана елдің тыныштығын, халықтың тұрмыс-тіршілігінің бақуатты болуын тіледі.