«Мал ұрысы» жедел-профилактикалық іс-шарасы өткізілуде

Арал ауданы көлемінде ағымдағы жылдың қараша айының 18-20 күндері аралығында мал ұрлығын ескерту, алдын алу және ашу, оларды жасаумен айналысатын тұлғаларды анықтау мақсатында «Мал ұрысы» жедел-профилактикалық іс-шарасы өткізілуде.Іс-шара аясында бөлімнің учаскелік полиция инспекторлары және криминалдық полиция бөлімшесінің қызметкерлері тұрғындармен мал ұрлығының алдын алу бойынша әңгімелесу жұмыстарын жүргіуде.
Малды сою және ет өнімдерін сату орындарын, сондай-ақ даярлаушыларды, қайтып сатып алушыларды және сатушыларды анықтау мақсатында аудан көлемінде ет қабылдау станциялары, мал базарлар мен мал сою алаңдары, ет сататын дүкендер, сауда орындары, базарларға локальды тексеру жұмыстары жүргізілуде.
Сонымен қатар, күнделікті республикалық және халықаралық маңызы бар жолдарда жол қауіпсіздігін қамтамасыз етуге тартылған патрульдік полиция қызметкерлерімен құжаттарсыз (ветеринариялық паспорттарсыз, ветеринариялық анықтамаларсыз, ветеринариялық сертификаттарсыз және т.б.,) малды және ет өнімдерін тасымалдау фактілері тексерілуде.

АРАЛ АУДАНЫНЫҢ ПОЛИЦИЯ БӨЛІМІ