Архив қызметкерлері марапатталды
«Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиал директоры Абибулаева Аида Ибрагимқызы архивисттер күніне орай, Қызылорда облысының архив саласы қызметкерлерін кәсіби мерекелерімен құттықтап, олардың жұмысына жоғары баға беріп, алғыс хаттар табыстады.Архивисттер күні — бұл архив қызметкерлерінің кәсіби біліктіліктерін бағалауға, олардың еңбек жолындағы маңызды жетістіктерін атап өтуге арналған ерекше күн. Бұл мереке архив саласындағы мамандардың еліміздің тарихын сақтау, құжаттар мен мәліметтерді жүйелеу мен қорғау жөніндегі аса жауапты жұмыстарын мойындауға бағытталған.
Шара барысында Аида Ибрагимқызы архивистердің еңбегін жоғары бағалап, олардың қоғам үшін атқаратын маңызды қызметін атап өтті. Ол архив мамандарының әрқашан ел тарихын, мәдениетін, заңнамалық құжаттарын сақтаудағы елеулі еңбегін атап өтіп, әрбір архивистке ерекше ризашылығын білдірді. Сонымен қатар, архивистердің үнемі жаңашылдыққа ұмтылып, технологиялардың жетістіктерін өз жұмыстарында тиімді пайдаланатынын атап өтті.
Шара соңында архив саласының үздік қызметкерлері алғыс хаттармен марапатталып, оларға шығармашылық табыс және жұмыстарының алдағы уақытта да жоғары деңгейде болуына тілектестік білдірілді.
