Тұрмыстық қалдықтарды тасымалдау жұмыстары үздіксіз жүргізілуде

Қала бойынша тазалық жұмыстары қолға алынып, Арал қаласының барлық бөлігін қоқыстардан тазарту жұмыстары қарқынды жүргізілуде.

Қала аумағындағы ретсіз тасталған тұрмыстық қалдықтарды арнайы техникалардың көмегімен қала сыртындағы қатты тұрмыстық қалдықтар полигонына шығарылуда.

Құрметті қала тұрғындары!

Тазалық әр адамның өзінен, үйінен, көшесінен және туған жерінен басталуы керек.

Күнделікті айтылып, бұқаралық ақпарат құралдарында тазалыққа қатысты мақалалар жарияланғанымен, тұрғындар арасында белгіленбеген орындарға күл-қоқыс тастау тыйылар емес.

Кез келген жердің тазалық көрсеткiшi сол өңір тұрғындарының мәдени деңгейiн көрсетедi.

Қаламыздың әр азаматы өз ауласы ішінде тазалық жұмыстарын жүргізіп, белгіленбеген аумақтарға қоқыс тастамай, тазалық ережелерін қатаң сақтаса нұр үстіне нұр болары анық.

Осы орайда, баршаңызды бұл мәселеге бей-жай қарамай, тазалық сақтауға шақырамыз!