"Гүлдей нәзік, болаттай берік" жұмысшы арулар фестивалі

Мемлекет басшысының ағымдағы жылды «Жұмысшы мамандықтарының жылы» деп жариялауына орай «Анаға тағзым» орталығы және «Сыр елі облыстық әйелдер кеңесі» қоғамдық бірлестігінің жоспарына сәйкес бастау алған «Гүлдей нәзік, болаттай берік» атты жұмысшы арулардың облыстық фестивалінің аудандық кезеңі  аудандық қоғамдық даму бөлімі және әйелдер кеңесінің ұйымдастыруымен 21 ақпан күні З.Шүкіров атындағы қалалық мәдениет үйінде өткізілді.

Еңбек адамының мәртебесін арттыру, түрлі саладағы нәзік жандардың кәсіпқойлығы мен  өз ісіне дегее жауапкершілігін дәріптеу мақсатында өткізілген фестивальге аудандағы түрлі мекемелерден 8  әйел-аналар қатысты.

 Фестиваль үш кезең бойынша өтіп, жұмысшы қыз-келіншектердің кәсіби дағдылары мен шығармашылық қабілеттері сыналды.

Шара соңында барлық қатысушы қыз-келіншектерді «Сыр елі әйелдер кеңесі» қоғамдық бірлестігінің төрайымы Байназарова Райкүл Мансұрқызы мен "Анаға тағзым"  орталығының басшысы Молжанова Алтынай алғыс хатпен және сыйлықтармен марапаттады.

Фото: Нұрболат Нұржаубай