Аудандық партия филиалында фракция отырысы болып өтті

Кеше «AMANAT» партиясы Арал аудандық филиалы мәжіліс залында аудандық мәслихаттағы фракция отырысы өтті. Фракция отырысына партия филиалының төрағасы, аудандық мәслихат төрағасы Төрахметов Базарбай Шөменұлы, партия филиалының Атқарушы хатшысы Қанатов Талғат Мырзағұлұлы, фракция мүшелері және Аудандық ауылшаруашылығы мен жер қатынастары бөлімінің басшысы Жұбанов Жәнібек Жарасұлы қатысып, фракция жетекшісі Жангүшікова Шарбану Байділдақызы ашып жүргізді.

Күн тәртібіне сай мәселе «AMANAT» партиясының сайлауалды бағдарламасын іске асыру жөніндегі аудандық жол картасы негізінде Арал ауданы бойынша су ұңғымаларына байланысты атқарған және алдағы уақытта атқаратын жұмыстардың есебі тыңдалды. Бұл мәселе бойынша сұрақ-жауаптар болып жан жақты талқыланды.

Фракция отырысының күн тәртібіне енгізілген мәселе толығымен қаралып, тиісті шешім қабылданды.