АУДАНДЫҚ ПАРТИЯ ФИЛИАЛЫНДА ФРАКЦИЯ ОТЫРЫСЫ БОЛЫП ӨТТІ

Бүгін «AMANAT» партиясы Арал аудандық филиалы мәжіліс залында аудандық мәслихаттағы фракция отырысы өтті. Фракция отырысына партия филиалының төрағасы, аудандық мәслихат төрағасы Төрахметов Базарбай Шөменұлы, партия филиалының Атқарушы хатшысы Қанатов Талғат Мырзағұлұлы, аудан әкімінің орынбасары Әбішев Еркін Жұмаханұлы, фракция мүшелері және тиісті сала мамандары қатысып, фракция жетекшісі Жангүшікова Шарбану Байділдақызы ашып жүргізді.

Күн тәртібіне сай «AMANAT» партиясының сайлауалды бағдарламасын іске асыру жөніндегі аудандық жол картасының 2023 жылға орындалуы туралы аудан әкімінің орынбасары Әбішев Еркін Жұмаханұлы хабарлама жасады. Аталған мәселе бойынша сұрақ-жауаптар болып жан жақты талқыланды. Фракция отырысының күн тәртібіне енгізілген мәселе толығымен қаралып, тиісті шешімдер қабылданды.