Толқын Арал аудандық қоғамдық-саяси газет
» » Аудандық фракция мүшелері партия филиалында отырыс өткізді.

Аудандық фракция мүшелері партия филиалында отырыс өткізді.

Бүгін Арал аудандық мәслихаттағы «Nur Otan» партиясы депутаттық фракциясының аудандық партия филиалында отырысы өтізілді. Аталған жиынға фракция мүшелерімен бірге аудандық партия филиалының төрағасы, аудан әкімі Оразбаев Мұхтар Әуесұлы, филиал қызметкерлері, есеп беруші бөлім басшылары және БАҚ өкілдері қатысты.
Фракция отырысының күн тәртібінде үш мәселе қаралды. Бірінші мәселе бойынша аудандық экономика және бюджетті жоспарлау бөлімінің басшысы Рашев Төлеген Әбенұлы Арал аудандық мәслихаттың 2015 жылғы 24 желтоқсандағы № 268 шешімімен бекітілген 2016-2020 жылдарға арналған Арал ауданының даму бағдарламасының соңғы үш жылда және биылғы жылдың 9 айы бойынша орындалуы барысы туралы жүргізілген жұмыстарды баяндап, жоспарға сай индикаторлардың орындалуларына тоқталып өтті.
Сонымен қатар, жергілікті полиция бөлімшесінің басшысы, полиция майоры Дәрмағамбетов Майбек Шәкіратұлы мен аудандық кәсіпкерлік, өнеркәсіп және туризм бөлімінің басшысы Бисембаев Рахметжан Темірұлы Арал ауданының даму бағдарламасының соңғы үш жылда және биылғы жылдың 9 айында тиесілі салалары бойынша орындалу барысын баяндады. Баяндамашыларға Төраға және фракция мүшелері тарапынан сұрақтар қойылып, алдағы уақытта кемшіліктерді жоюға нақты тапсырмалар берілді.
Нұр Отан партиясы Арал аудандық филиалы
02 қараша 2019 ж. 188 0