АУДАНДЫҚ МАСЛИХАТАҒЫ "NUR OTAN" ПАРТИЯСЫ ДЕПУТАТТЫҚ ФРАКЦИЯСЫНЫҢ КӨШПЕЛІ ОТЫРЫСЫ ӨТКІЗІЛДІ

Кеше аудандық мәслихаттағы «Nur Otan» партиясы депутаттық фракциясының «Аудандық аурухана» бастауыш партия ұйымында көшпелі отырысы өткізілді.

Фракция отырысының күн тәртібінде үш мәселе қаралды. Бірінші аудандық мәслихаттағы «Nur Otan» партиясы депутаттық фракциясының жетекшісі ретінде фракцияның жоспарына сәйкес,
9 айдың есебі бойынша жүргізілген жұмыстарды баяндап, алдағы атқарылатын жаңаша бағыттағы жұмыстарға тоқталып өттім.
Сонымен бірге, «Көкарал» округінен сайланған аудандық мәслихаттағы фракция мүшесі Шынжанов Қуаныш Аманжолұлы мен «Жақсықылыш» округі бойынша сайланған Баймырзаев Жақып Ауесханұлы сайлауалды бағдарламалары бойынша атқарылған жұмыстарын баяндап өтті.
Жиын барысында Ж.Баймырзаев бүгінгі күні 5 276 тұрғыны бар Жақсықылыш кентіне 100 орындық балабақша салу жөнінде ұсыныс білдірді.
(қазіргі уақыттағы бейімделген 50 орындық бір ғана балабақша өз қызметін көрсетіп, халықтың сұранысын қанағаттандырмай отыр)
Күн тәртібіндегі үшінші мәселе бойынша «Рысқұлов» сайлау округінен сайланған аудандық мәслихат депутаты, фракция мүшесі Бисембаев Темір Алдажұмаұлы Арал қаласы бойынша қосымша теміржол өткелін салу мәселесін көтерді.

Яғни, Арал ауданы Қызылорда қаласынан кейінгі қала статусы бар аудан орталығында 40 мыңға жуық халық болса, оның тең жартысы қаланы бөліп тұрған жолдың арғы бетінде, жартысы бергі бетінде орналасқан. Бүгінгі күні, көлік қатынасы бір ғана темір жол өткелі (переезд) арқылы жүргізілуде. Бұл өткел жабылған кезде, 2-2,5 шақырымға дейін автокөлік кептелесі (пробка) пайда болып, жедел жәрдем, өрт сөндіру, құқық қорғау органдары сияқты кезек күттірмейтін қызметтермен қоса, тұрғындарға үлкен кедергі келтіруде.
Осыған орай, облыстық бюджеттен қаржы қарастырып, жоба-сметалық құжатын әзірлеуді ұсынды.