Сексеуіл кенті тұрғындарының талап-тілектері тыңдалды

Облыстық мәслихаттағы партия фракциясының мүшесі Жұмашев Мейрамбек Тоғысұлы, “AMANAT” партиясы Арал аудандық филиалының төрағасы Төрахметов Базарбай Шөменұлы, аудандық мәслихаттағы фракция мүшесі Аяғанов Еркебұлан Бауыржанұлы Сексеуіл кентінің тұрғындарымен кездесу өткізді.

Кездесу аясында фракция мүшелері кент тұрғындарына сайлауалды бағдарлама шеңберінде жасалынып жатқан жұмыстарға тоқталып, атқарылған жұмыстар туралы есеп берді.

Айта кету керек, Сексеуіл кентінде жол картасы аясында инфрақұрылымдық, газдандыру жұмыстары жүргізілді.

Сондай ақ, “Жайлы мектеп” ұлттық жобасы аясында 300 орындық мектептің құрылысы жүргізілуде.

Кент тұрғындары, халық қалаулыларына түрлі бағыттар бойынша сұрақтар қойып, тұщымды жауаптар алды.

Сонымен қатар кездесуге қатысқан тиісті мекеме басшыларымен мамандары халықтың толғандырған сұрақтарына жауап берді.