Мобильді қоғамдық қабылдау Сексеуіл кентінде болды

«AMANAT» партиясы Арал аудандық филиалының мобильді көшпелі қабылдау тобы Сексеуіл кентінде болып, халықтың толғандырған сауалдарына жауап берді.

Кездесуге «AMANAT» партиясы Арал аудандық филиалының және аудандық мәслихаттың төрағасы Төреахметов Базарбай Шөменұлы, Атқарушы хатшысы Қанатов Талғат Мырзағұлұлы, аудандық мәслихат депутаты Аяғанов Еркебұлан Бауыржанұлы, Арал аудандық көпбейінді орталық ауруханасының орынбасары Үмбетов Қанат, Арал ауданының кәсіпкерлік және өнеркәсіп бөлімінің маманы Қаржаубаев Данияр, Мансап орталығының маманы Еркін Талғатұлы қатысты.

Сексеуіл кентінде ұйымдастырылған мобильді қабылдауда өтініштердің басым бөлігі жол, денсаулық, жұмыссыздық саласына қатысты болды.

Мобильді топ өкілдері тарапынан ауыл тұрғындарының әлеуметтік, қоғамдық және өзге де ортақ түйіткілді мәселелерінің заңдылық аясында шешілуі бойынша жұмыстар атқаратындығы жеткізіліп, бағыт-бағдар мен кеңестер берілді.

#AMANAT