Жерлесіміз жеңіс тұғырында

Бүгін облыс орталығы Қызылорда қаласынан ақжолтай хабар жетті. Ұлттық Домбыра күні мен күйші Мырза Тоқтаболатұлының 175 жылдығына орай өткен «Сыр толқыны» атты II Республикалық күйшілер конкурсында Сыдықовтар жанұялық ансамблінің көркемдік жетекшісі, күйші Орынбасаров Ерімбет жүлделі ІІІ орынды иеленді.

Шын мәнінде, қазақтың қара домбырасы – ұлтымыздың бойтұмары. Оның үні әрқайсымыздың жүрегімізге жақын. Өйткені, қазақ пен домбыра – бір-бірінен бөліп-жаруға келмейтін егіз ұғым. Атадан балаға аманат болған осындай асыл қазынамызды қадір тұту мақсатында аймақта екінші мәрте өткен өнер додасына еліміздің 10 бірдей өңірінен 24 талантты күйші қатысқан. Солардың арасынан суырылып шығып, аудан абыройын асқақтатқан жерлесіміз Ерімбет Орынбасаровты жеңісімен құттықтаймыз.

Әркез аудан абыройын асқақтатып, биік белестерден көріне бергейсіз!