Астанада қала күніне орай мерекелік отшашу өтті

Астана күніне арналған мерекелік бағдарлама аясында елордада ерекше отшашу өтті. Шара демеушілердің қолдауымен өтті, деп хабарлайды Астана қаласы әкімдігінің ресми сайты.

Отшашу 23:00 шамасында Ботаникалық бақ аумағынан атылды. Отшашудың жалпы ұзақтығы – 5 минут, ал атылған фейерверк саны – 1 700-ден асты.

«Астана Арена» стадионы маңындағы үлкен концертте қазақстандық эстрада жұлдыздары мен шығармашылық ұжымдар өнер көрсетті. Олардың қатарында Қазыбек Құрайыш, аты аңызға айналған «Дос-Мұқасан» тобы, жастардың сүйікті тобы 6elucci, Жанар Дұғалова, Әли Оқапов, Лимба, Атилла, Аро, Жұбаныш Жексен, Назима, Ильхан және Тұрар бар.

Айта кетейік, Астана күніне орай елордада 100-ден астам әртүрлі бағыттағы іс-шара өтті. Қала тұрғындары мен қонақтары үшін концерттер, шоу, театрландырылған қойылымдар, көрмелер, спорттық жарыстар және басқа да ерекше іс-шаралар ұйымдастырылды.

Бүгін Астанада пластиктен жасалған алып мысық пайда болды.

Ақпарат көзі: syrboyi.kz
Фото: Астана әкімдігі